ما إنا بنعلم ياصديقي عن الغيب
نفوس البشر مثل الطيور وعلقها
من كثر ما خذنا دروس وتجاريب
نترك جميع الناس للي خلقها
احدٍ نمشي صحبته بالاساليب
واحدٍ نحطه فالعيون وحدقها
واحدٍ نجنب عند طاريه تجنيب
علومه اليا جابها قلت سقها
صاحب رفيع النفس لماح واديب
ماقال لاجلك كلمة ما صدقها
وابعد عن اللي يبلشك بالمطاليب
هذاك لو أكلاك تسرق سرقها
الصحبة اللي ما هدفها على الطيب
عشبة نفودٍ ما يطوّل دبقها
اما ذبحها برد والا لواهيب
والا العجاج ان هب فيها محقها
وصحبتك مع كفوٍ يعرف المواجيب
تصير شجرة تستظل بشنقها
قرمٍ يجي في طيب ويغيب في طيب
وعلومه اليا قالها ما درقها
دايم معك موجود والماقف اصعيب
والطالة اللي ترفع اسمك عشقها
هذا ترى والله حصان الاطاليب
ربي خلق كل الرجال وفرقها
هذاه هو من ينطق الحق لاهيب
وبنادقٍ ترميه يخطي فشقها
مهوب من دايم يحش العراقيب
والكلمة اللي صايبة ما نطقها
جعله عقيم ما يجي خلفه الصيب
شجرة رداء ماعاد ينمو ورقها
شعر: المهدي تركي الرياحي _جدة
